Kryeministri Edi Rama gjatë fjalës së tij në mbledhjen e Grupit Parlamentar të PS-së foli në lidhje me integrimin e Shqipërisë në BE. Rama u shpreh se interesi i BE dhe Europës për të parë procesin e zgjerimit dhe për ta forcuar atë është i madh. Sipas tij kjo është një dritare e hapur për vendin tonë dhe se nuk duhet humbur kjo mundësi.
Rama shtoi se që kur filloi të zbatohet procesi i negociatave dhe deri sot, shpejtësia me të cilën ka përparuar vendi në hapjen e kapitujve është e paprecedentë. Ai theksoi se vendi ynë ka përparuar më shumë se çdo vend i rajonit. Rama tha se ështëdashur kohë të afirmojnë statusin e kandidatit dhe se sot Shqipëria është krah për krah me Malin e Zi.
“Interesi i BE dhe Europës për tu forcuar në çdo drejtim dhe për të parë procesin e zgjerimit si një drejtim për forcimin e vet është më i madh se çdo gjë tjetër. Kjo është dritarja e hapur që ne nuk do të lejojmë që Shqipëria ta humbë si mundësi.
Që nga viti i kaluar kur filloi të zbatohet procesi i negociatave dhe deri sot, shpëjtesia me të cilën kemi përparuar në hapjen e kapitujve është e paprecedent. Kemi përparuar më shumë se çdo vend i rajonit. Ne kur kemi ardhur në detyre kemi qenë vrima e fundit e kavallit. Na u desh kohë të afirmojmë statusin e kandidatit. Sot jemi krah për krah me Malin e Zi. Dhe kalendari që na ka dhënë BE është të mbyllim negociata në 2027,” tha Rama.