Ministri i Mbrojtjes, Niko Peleshi ka publikuar pamje nga momentet më interesante të stërvitjes më të madhe ushtarake të 30 viteve të fundit, e cila zbarkoi në Tiranë, “Defender 21”.
Trupat shqiptaro-amerikanë dhuruan spektakël nga ajri dhe toka për qytetarët dhe zyrtarët më të lartë të shtetit të cilët ishin të pranishëm.
Një ndër momentet më interesante gjatë videos 5-minutshe, të publikuar nga ministri është inskenimi i një atentati, i cili bëhet ndaj një zyrtari të vëshur me kostum, ndërsa trupat reagojnë menjëherë duke i dalë në mbrojte.
Stërvitja më e madhe ushtarake që është zhvilluar në Ballkanin Perëndimor, “Defender Europe 21”, është mbajtur më 23 maj, dhe është cilësuar si “Dita e hapur” e Forcave të Armatosura Shqiptare në kuadër të stërvitjes së përbashkët me trupat amerikane.
Me mijëra trupa nga SHBA, por edhe aleatë të tjerë të NATO-s, disa prej të cilëve janë të përfaqësuar, demonstruan një rritje të aftësive ushtarake për të bashkëpunuar së bashku si aleatë ushtarakë.
Në këtë stërvitje u angazhuan mbi 28 mijë ushtarë, shumica e të cilëve ishin amerikanë.