Ilir Meta, tutori i Radojçiçit shqiptarë në zgjedhjet e Himarës Beleri, i tërbuar me dënimin e “prostit” të tij politik: Skandal! Nuk është Greqia që pengon integrimin por Edi Rama që ka kapur drejtësinë!

Ilir Meta ka reaguar në lidhje me dënimin me dy vite burg të kreut të zgjedhur të Bashkisë Himarë, Fredi Beleri.

Meta shkruan se çështja “Beleri” nuk është një problem midis Shqipërisë dhe Greqisë, por një problem thelbësor dhe skandaloz i mungesës së demokracisë dhe shtetit të së drejtës në vendin tonë.

Po ashtu ai thekson se nuk është Beleri që ka vonuar dhe ka bllokuar integrimin europian të Shqipërisë, por është mazhoranca.

“Çështja “Beleri” nuk është një problem midis Shqipërisë dhe Greqisë.

Çështja “Beleri” është një problem thelbësor dhe skandaloz i mungesës së demokracisë dhe shtetit të së drejtës në Shqipëri.

Çështja “Beleri” është treguesi më flagrant i kapjes së shtetit, i përdorimit kriminal të shtetit nga kryeministri dhe nga qeveria.

Nuk është çështja “Beleri” ajo që ka vonuar dhe ka bllokuar integrimin europian të Shqipërisë, por është ky kryeministër dhe kjo mazhorancë që mban peng në mënyrë të qëllimshme integrimin europian të vendit”, shkruan ai.