Avokati i njohur, Idajet Beqiri ka komentuar pak kohë më parë raportin Meta-Berisha. Teksa ishte i ftuar në një studio televizive, avokat Beqiri, zbuloi detaje nga një bisedë që ai ka pasur me ish-kryeministrin Fatos Nanon në burgun e Bënçës, ndërsa theksoi se Ilir Meta u fut në Partinë Socialiste me urdhër të Sali Berishës. Sipas Idajet Beqirit, Ilir Meta u fut në PS që të zbatonte çdo urdhër të Sali Berishës.
“Ilir Meta fatin e vet politik e ka patur gjithmonë të lidhur me Sali Berishën. Te Partia Socialiste Ilir Metën e ka sjellë me dorën e tij me urdhrin e tij Sali Berisha, madje me rekomandimin që Meta të bëhej nënkryetar i asaj partie dhe të kishte fuqi në atë parti.
Këtë bisedë e kam bërë edhe me Fatos Nanon të burgu i Bënçës, ai te qelia 5 dhe unë të qelia 3. Ilir Meta erdhi në PS si i Berishës dhe zbatonte çdo urdhër të Saliut. E gjithë historia e Ilir Metës është lidhur me Sali Berishën”, deklaroi ai. Ndërkohë Beqiri asokohe theksoi se Berisha e ka Metën të besuarin e vetëm që i ka qëndruar besnik nga 1992 deri më sot dhe se sipas tij, nuk është Basha njeriu që bëri ish-kryeministri për ta mbrojtur, por ish-presidenti.
“Meta çdo gjë e ka lidhur ne Berishën ashtu siç Berisha ka çdo gjë të lidhur me Metën. Kur Meta u kap në hall me videon e Dritan Priftit, Berisha e ndihmoi. Berisha dhe Meta janë bashkë, por kjo nuk do të thotë që janë bashkë dhe janë të fortë, ata nuk kanë më imunitetet, pasi këtë gjë nuk ia japin paratë dhe pasuritë që kanë.
Tani që SHBA e shpalli Berishën non grata, Berisha shkon te streha e tij e fundit që është Ilir Meta, Saliu po “vdes” te partia e Metës, të cilën realisht e ka të vetën sepse të besuarin e vetëm që i ka qëndruar besnik nga 1992 deri më sot Sali Berisha ka Ilir Metën.
Nuk është Basha njeriu që bëri Berisha për ta mbrojtur, por Meta. Basha ishte kalimtar dhe ishte më shumë familjar për Berishën, kurse Metën ai e ka të shpirtit të vet, e ka që ta lërë pasardhës real. Berisha e mori Foltoren dhe e futi te LSI, me qëllim që nesër ta ketë që ta mbrojë dhe aty e ka folenë më të ngrohtë se sa e kishte të Lulzim Basha i cili e la në baltë”, nënvizoi avokat Idajet Beqiri.