I mbuluar me flamurin grek dhe veshje ushtarake, trupi i 35-vjeçarit Konstantinos Kacifas mbërriti në shtëpinë e lindjes në Bularat ku do të qëndrojë deri nesër pas mesdite në orën 13:00 kur është ceremonia e varrimit që do nisë me meshën në kishën e Shën Athanasius.
Nga pamjet duket dhe momenti kur të afërmit mbajnë arkivolin me trupin e Katsifas në supe pasi e nxjerrin nga makina e funeralit. Me kapele në kokë dhe fytyrën zbuluar arkivoli me trupin e Katsifas hyn në banesë
Ndërkohë që në momentin kur arkivoli i të ndjerit futej brenda u dëgjuan thirrje: “I pavdekshëm”.
Konstantinos Kacifas u vra gjatë shkëmbimit të zjarrit me forcat e policisë më 28 tetor, dita e Greqisë pas disa orëve që i ishte bërë thirrje të dorëzohej.
” Bashkia e Dropullit në një mbledhje jashtë radhe ka marrë vendimin për të paguar të gjitha shpenzimet financiare për ceremoninë e varrimit në Bularat të minoritarit grek Kostandinos Katsifa.Vendimi i bashkisë është bërë i ditur nga nënkryetari i bashkisë Dropull, Mihal Mano. Sipas tij vendimi është marrë me motivacionin se familja është e varfër dhe ngjarja është e ndjeshme për komunitetin e minoritarëve në jug të Shqipërisë. Ceremonia e varrimit për Kostandino Kacifas do të bëhet nesër në orën 13:00.
Sipas saj Trupi i tij do do të përcillet me nderime dhe do të jetë i veshur me uniformë ushtarake.