Taulant Balla dhe Lulzim Basha janë përfshirë nga replica të ashpra në Kuvend. Shkak është bërë nxjerra e disa të dhënave të Ballës, që tregojnë se Lulzim Basha ka lidhje me “Viktoria Invest”, një prej firmave që ka fituar tenderin për ndërtimin e Unazës së Madhe.
Sipas Ballës, Basha madje, edhe në protestën e banorëve të Astirit, shkon pikërisht me makinën e “Viktoria Invest”.
“Kjo është dosja e makinës, këtu në dosje thotë se kjo makinë është e Viktoria Invest, makinë me të cilën ti shkon tek banorët e Astirit.
Po mirë, bufa na quan ne që nuk e dimë lidhjen tënde me Viktoria Invest? Kompania është kumbare e familjes tënde. Është dita e të vërtetës, kalojmë tek kompania tjetër. Nuk të dëgjova më të flasësh për oligarkët. Do ti marrim një nga një me ata oligarkë që të bën ortakëri me ta.
Ti ke një problem shumë të madh, se nuk do të ngresh Partisë Demokratike. Kam hall se dhe këtij Edmond Begos mos i merr ndonjë kat, se t’i vetëm gjoba u vendos. I bëj thirrje PD-së që të heqë dorë nga kjo histori”, tha Balla.
“Me tha një banor, ore si ka mundësi që nuk ia thoni Lulzimit që na vjen përditë në protestë me makinën e pronarit të kompanisë që ndërton tek Unaza.
Kjo është dosja e makinës me targë AA 111 EN. Këtu thotë se makina i përket shoqërisë Viktoria Invest. E ka blerë në Gjermani me vlerën 53 mijë euro. Po ta lë dosjen këtu ta marrësh ta lexosh vetë”, tha deputeti socialist.
Por Basha ka kërcënuar Ballën pas akuzave, se do ta godiste me grusht. Ai tha se Balla dhe Rama janë kova muti. Basha tha se makina e tij është e një kompanie tjetër dhe jo e “Viktoria Invest”.
“Instinkti i parë është i instinkti i prindit dhe unë doja të të fusja një grusht, por u ndala nga dy gjëra. E para e punës, që të prekësh mutin bëhesh vet pis.
A kuptuat gjë ju pse nuk e votojnë vettingun? Ky thotë që ndërhyn në reformën në drejtësi, por kjo nuk është e vërtetë, se nuk e pengon këtë reformë.
Ky thotë na lini në politikë sa të na kapë SPAK-u, por ju doni ta kapni SPAK-un. Nuk e do Balla vettingun, se është i pari që e kap vettingu.
Gjetët simbolin e atij që nuk e do vettingun për t’u thënë shqiptarëve që jeni kundër. Sot ndahet shapi nga sheqeri, do të shikojmë se kush e do dhe kush nuk e do vettingun.
Shqiptarët pas kësaj do marrin vendime të mëdha, pasi ky Parlament e humbi shansin për të pastruar politikën, tani u mbetet shqiptarëve ta bëjnë një gjë të tillë.
Automjeti im prej 6 vitesh është e një kompanie tjetër, por unë nuk merrem me ty se je njëherë i dënuar për shpifje”, u shpreh Basha.