Ka bërë një rrëfim të pazakontë për jetën e saj mëngjesin e sotëm. E ftuar në emisionin ‘ABC e Mëngjesit, bilbili i veriut u shpreh se nuk merret me politikë, pavarësisht se i ka bërë këngë ish-kryeministrit Sali Berisha apo ka kënduar në dasmën e vajzës së tij.
Jo vetëm kaq, por Fatmira ka theksuar se nëse nesër kryeministri Edi Rama marton djalin do t’i shkonte t’i këndonte me kënaqësi.
“Ma kanë bërë shumë këtë pyetje. Me thënë të drejtën është bërë pak e tepërt. Unë e kam thënë edhe më herët që nuk merrem me politikë. Në qoftë se nesër me martu Edi Rama djalin, unë i shkoj. Unë jam artiste, jam këngëtare, nuk jam e politizuar, pavarësisht se i përkasim një partie të gjithë.
Fare nuk më ka penguar edhe në fushata kam kënduar. Ka bërë koncertin Erion Veliaj te Amfiteatri dhe më thirrur, edhe në zyrë i kam shkuar. Nuk jam shumë e politizuar”, u shpreh këngëtarja.