Hungaria ka fajësuar Komisionin Europian se po përpiqet të parandalojë zgjerimin e Bashkimit Evropian në Ballkanin Perëndimor, duke mos lejuar Shqipërinë dhe Maqedoninë e Veriut të hapin negociatat.
“Komisioni Evropian ka penguar procesin e zgjerimit të Bashkimit Europian, duke ndikuar jashtëzakonisht shumë në sigurinë dhe të ardhmen e Evropës”, tha ministri i Jashtëm hungarez Péter Szijjártó në margjinat e një takimi me homologët e tij të BE.
Szijjártó këmbënguli se “Hungaria dhe BE-ja kanë interesa ekonomike, strategjike dhe politike” për integrimin e Ballkanit Perëndimor, por se unioni po bllokonte qëllimisht këtë perspektivë.
Gjatë gjithë afatit të komisionit aktual, BE-ja nuk ka zgjedhur asnjë anëtar të ri dhe vendet kandidate si Shqipëria dhe Maqedonia e Veriut nuk mund të ndërmarrin një hap të vetëm për të bërë përpara në proces”, tha Szijjártó. Ndërkohë që nuk ka pasur asnjë zgjerim, BE do të humbasë Mbretërinë e Bashkuar përmes Brexit, tha ai.
“Kjo do të dobësojë BE-në dhe është gjithashtu kundër interesave të saj politikë dhe ekonomikë”.
“Ne presim që komisioni tjetër të fuqizohet dhe jo të ulet numri i vendeve anëtare. Presim të përshpejtojnë zgjerimin në Ballkanin Perëndimor dhe të hapë të gjitha kapitujt në bisedimet e tij me Malin e Zi dhe Serbinë,” tha ministri.
Në lidhje me çështjen e migracionit, Szijjártó tha se “është në interesin tonë që Ballkani Perëndimor të jetë i fortë dhe i aftë të ndalojë emigracionin”, duke shtuar se kjo kërkon integrimin e rajonit.
Szijjártó theksoi se jo vetëm që vetëm një vend i Ballkanit Perëndimor (Kroacia) është anëtarësuar në BE, por ato vende që tashmë kanë statusin e kandidatit nuk po lejohen të hapin kapitujt.
Hungaria thotë se do të kryesojnë kauzën e zgjerimit të BE-së dhe hapjen e negociatave me Shqipërinë dhe Maqedoninë e Veriut brenda Komisionit të ri.
Hungaria ka qenë shteti më i zëshëm kur bëhet fjalë për zgjerimin e BE-së. Ajo është i vetmi vend i katërshes së Vinshengradit që kufizon Ballkanin dhe ndan një histori të përbashkët me vendet që dikur ishin pjesë e perandorisë Austro-Hungareze.
Disa zyrtarë të BE kanë deklaruar së fundmi se Hungaria mund të marrë në dorë portofolin e zgjerimit në Komisionin e ardhshëm, për të pasuar politikanin austriak Johannes Hahn.
Deklaratat e fundit të ministrit të Jashtëm hungarez Peter Szijjarto nuk lënë asnjë pikëpyetje mbi politikën që do të ndjekë Budapesti kur bie fjala tek zgjerimin.
“Është një hipokrizi. Të gjithë thonë se janë të përkushtuar, por kur bie është fjala për të marrë një vendim, ata nuk guxojnë të veprojnë,” tha ai në qershor kur u hap kapitulli i fundit i negociatave të Serbisë.
“Zgjerimi do të ishte përgjigja më e mirë ndaj tensioneve ekzistuese në rajon. Ne në rajon e dimë saktësisht se sa e rëndësishme është paqja dhe qetësia në rajon”, tha Szijjarto.
Ai gjithashtu theksoi se zgjerimi i BE duhet të konsiderohet po aq i rëndësishëm sa Brexit në agjendën e ardhshme të KE-së dhe institucioneve të tjera të BE. “Këto probleme janë të një rëndësie të njëjtë,” tha ai.