Deputeti i Partisë Demokratike Klevis Balliu ka sulmuar kolegët e mazhorancës, duke i quajtur injorantë dhe të palexuar.
Balliu shprehet se meqë Rama e cilësoi Gent Cakajn si shumë të lexuar, por kur Meta i refuzoi dekretimin, nuk dërgoi emër tjetër por të tijin, atëherë sipas seputetit gjithë socialistët janë injorantë, të palexuar dhe të padenjë për tu bërë Ministër i Jashtëm.
“Rama zyrtarizon socialistët si injorantë. Ishte vetë Rama që propozoi Genti Cakajn si Ministër të Jashtëm. Një individ ky që na kishte lexuar shumë, e po i ditur shumë.
Por kur Presidenti e flaku nga dritarja propozimin e Ramës, ky i fundit çoj emrin e tij për Ministër të Jashtëm, duke lënë të kuptohet se të gjithë socialistët me përjashtim të Ramës dhe Cakajt na qenkërkan injorantë, të palexuar dhe të padenjë për tu bërë Ministër i Jashtëm”, ka shkruar Klevis Balliu.
Gjithashtu ai ka shtuar se meqë deputetët e PS bien dakort me Kryeministrin dhe e duartrokasin në Kuvend, atëherë ai bashkohet me ta dhe u shtrinë dorën.
“Meqenëse dhe PS bie dakort me Kryeministrin duke e duartrokitur në sallën e Kuvendit, atëherë edhe unë për ti shtrirë dorën mazhorancës po bie dakort me ta.
Dhe që sot do tju drejtohem: Të nderuar deputetë socialistë të palexuar dhe injorantë”, ka përfunduar deputeti demokrat shkrimin e tij në Facebook.