Një kamion HGV në Angli ka shkaktuar një katastrofë të vërtetë pasi mëngjesin e djeshëm u përplas me 17 makina të parkuara në një parking pranë qendrës tregtare Lakeside në Doncaster.
Pamjet janë filmuar nga kamerat e sigurisë. Dyshohet se shoferi humbi kontrollin në një rrethrrotullim dhe më pas mori para makinat e parkuara. Kalimtarët të cilët ishin dëshmitarë u tronditën nga ngjarja.
Policia tha për Sun Online se asnjë person nuk u lëndua dhe as hoteli nuk pati dëmtime. I plagosur mbeti vetëm shoferi, i cili u dërgua në spital dhe ndodhet jashtë rrezikut për jetën.