Pas disa orësh kërkim me helikopter dhe nga toka, është gjetur i pajetë turisti bullgar i cili humbi kontaktet në afërsi të majës së malit të Jezërcës.
Emergjencat Civile njoftuan se kërkimet filluan nga ajri për të zbuluar ndonjë shenjë të personit të humbur. Në të njëjtën kohë, ekipi i kërkimit- shpëtimit malor u la në afërsi të vendit për të vazhduar kërkimet nga toka, ku më pas u gjet trupi i pajetë.
Prefekti i qarkut Kukës Agron Geca tha për Report Tv, bëhej fjalë për dy turistë, njëri prej tyre kishte kaluar në Malin e Zi, ndërsa tjetri nuk po gjendej.
Pas marrjes së njoftimit, të gjitha strukturat operacionale të Mbrojtjes Civile, në nivel vendor dhe qendror janë angazhuar menjëherë.
Helikopteri Cougar i Forcave të Armatosura është ngritur në ajër, duke marrë me vete ekipin mjekësor dhe ekipin e kërkim-shpëtimi malor. Kërkimet filluan nga ajri për të zbuluar ndonjë shenjë të personit të humbur. Në të njëjtën kohë, ekipi i kërkimit- shpëtimit malor u la në afërsi të vendit për të vazhduar kërkimet nga toka.
Përpjekjet intensive dhe koordinimi i i strukturave vazhduan për disa orë, derisa u arrit që të gjendet trupi i pajetë i personit në nevojë.’- njoftojnë Emergjencat Civile.
Mbrojtja Civile u bën apel turistëve që të ndjekin udhëzimet e dhëna nga guidat e specializuara në rast të eksplorimit të zonave me rrezikshmëri të lartë.
‘Në zonat me rrezikshmëri të lartë, dhe ne shumë raste të pashkeluar, është e rëndësishme që turistët të jenë të kujdesshëm dhe të ndjekin udhëzimet e dhëna nga guidat e specializuara. Siguria e tyre dhe e të tjerëve varet nga respektimi i këtyre udhëzimeve dhe informacioneve të rëndësishme për këto aktivitete sportive.’ njofton Mbrojtja Civile.