Argjentina dhe Franca u përballën në finalen e Botërorit të Katarit, ku skuadra e Lionel Messit doli fituese. Në ceremoninë e ndarjes së çmimeve, në skenë, mes emrave të shumtë të rëndësishëm të futbollit dhe jo vetëm, ishte edhe një rumune. Ajo mbante trofeun “për lojtarin më të mirë” që i është dhënë, natyrisht, Lionel Messit.
Adriana Paul u ngjit në skenë në ceremoninë e ndarjes së çmimeve në Katar. Për më tepër, bukuroshja mbante në dorë trofeun e ofruar për Lionel Messin, çmimin për lojtarin më të mirë.
Paul është e punësuar në Qatar Airways dhe ishte ndër stjuardesat që sollën trofetë dhe medaljet në Katar. Në një intervistë të dhënë për mediat rumune, Adriana ka shumë për të thënë.
“Kam ecur me kilometra të tëra për të shkuar në shkollë kur kam qenë fëmijë, madje kam mjelë edhe lopët. Askush nuk do ta besonte historinë time. Në Katar ishte një eksperiencë e jashtëzakonshme dhe jam shumë e lumtur për mundësinë që mu dha. Trofeu ishte i rëndë, gati 6 kilogramë dhe duart më dridheshin gjatë gjithë kohës. Emocionet kanë qenë të mëdha si në skenë ashtu edhe në prapaskenë pasi kam qenë krah Emirit të Katarit, Presidentit francez apo atij të FIFA-s” – Tha ajo.