Deputeti demokrat Klevis Balliu ka paralajmëruar se shumë shpejt do të mbledhë të gjithë shqiptarët e ndershëm përpara kryeministrisë për të rrëzuar qeverinë.
Teksa ka bllokuar rrugën kryesore pranë Astirit, ligjvënësi thotë me bindje se ka mundur të frymëzojë shumë individë të cilët do t’i bashkohen për të marrshuar drejt kryeministrisë.
“Ju po ktheheni në frymëzim për qytetarët, tanimë po shenjohet fundi i Edi Ramës. Është “Unaza” ajo e cila i tregoi fytyrën e vërtetë kryeministrit dhe ajo që do t’i japë goditjen përfundimtare qeverisë së tij.
Nuk do të ketë më një pinxho kryeministër si ky, që u fsheh në bunkerin e tij kur qytetarët erdhën dhe i kërkuan llogari. Shumë shpejt, Edi Rama nuk do të gjejë më as vrimë miu ku të futet dhe do t’i duhet të përballet me qytetarët”, u shpreh Balliu.