Hakmarrja “fut” në dhe 3 vëllezër në Shkodër. Prek Tonaj është i treti pasi para 2005 atij i kanë vrarë 2 vëllezër.
Por si ndodhi ekzekutimi në Shkodër?
Prekë Tonaj është një tjetër viktimë e hakmarrjes. Dy autorët kanë hyrë në lokalin ku viktima ka qenë ulur dhe i janë afruar duke e qëlluar për vdekje.
Mësohet se para se ta qëllojnë i kanë thënë edhe emrin e personit për të cilin po e vrasin.
46-vjeçari rezulton i skeduar nga policia. Tonaj punonte si punonjës ujësjellësi.
Ai është vënë në pranga në vitin 2011 bashkë me dy persona të tjerë pasi tentuan të kryenin një vrasje për motive hakmarrjeje.
Në vendngjarje ka shkuar grupi hetimor që po punon për zbardhjen e rrethanave të krimit, identifikimin dhe kapjen e autorit/ve.