Sot Grigja dhe Salianusi shkuan në Lezhë. Demokratët e vendosur po vazhdojnë protestat para Bashkisë së Lezhës në mbrojtje të zyrtarëve të akuzuar. Grigja u prek shumë nga skenat që pa.
Për një moment u ndje e bekuar për partinë që ka.
-Përfytro të isha unë në burg në vend të Frrokajt,- tha. Këta njerëz do gdhiheshin natë e ditë jashtë për mua derisa të dilja.
Parrullat që mbanin në duar demokratët ishin po ashtu prekëse.
Në një parrullë shkruhej: “Tokën e japim kryetarin se japim”. Ishte fjala që nuk e toleronin arrestimin e kryetarit.
Pastaj në mes të turmës hyri Paloka.
Turma filloi të buçasë nga brohoritjet.
“Liri…, tani…, liri…, tani….”
Grigja u prek shumë. Atëhere vendosi të mbajë dhe ajo fjalimin e saj.
U ngjit në shkallët e bashkisë, ju afrua mikrofonit dhe me një zë fillimisht të pavendosur filloi të flasë.
“Të dashur demokratë të Lezhës!
E kuptoj zemërimin tuaj. Ju jeni elektorati më i mrekullueshëm në botë.
Ju të bëni të ndjehesh hero dhe kur armiqtë të mbyllin në qeli.
Ju të bëni të ndjehesh i pastër dhe kur armiku kërkon të të bëjë pis.
Ju të bëni të ndjehesh krenar dhe kur armiqtë përpiqen të të fyejnë duke të hedhur prangat në duar.
Ju të bëni të ndjehesh i pasur dhe kur armiqtë të sekuestorjnë çdo pronë që ke.
Ju të bëni të ndjehesh i lirë dhe kur armiqtë duan ta kalosh jetën në qeli.
Ju të bëni të ndjehesh i ndershëm dhe kur armiqtë të përbaltin sikur je hajdut.
Sepse ju jeni populli më i veçantë në botë. Ju i dilni zot çdo veprimi që bën i zgjedhuri juaj. Ju nuk dyshoni në asgjë përveç në veprat që bën armiku.
Në gjithë botën populli proteston për të arrestuar zyrtarët e korruptuar, ndërsa ju me kurajon që ju karakterizon, protestoni për të mos lejuar ta quajnë të korruputar të zgjedhurin tuaj.
Ndaj jeni kaq të veçantë dhe kaq frymëzues për mua dhe miqtë e mi deputetë në PD. Ndaj ne marrim fuqi dhe zemër nga ju dhe nuk trembemi nga presionet e kundërshtarëve tanë.
Vetëm me një popull si ju, ne mund t’ia dalim të realizojmë objektivat tona”!
Në shesh shpërthyen përsëri duartrokitjet.
Salianusi ju afrua dhe e përgëzoi.
-Ke fol me shpirt,- i tha ndaj të duartrokasin njerëzit.
-Po ka një gjë që më gëzon vërtet, ky popull është,- tha Grigja. Të vetmit që më falin një çik shpirt. Përfytyro, kam qenë vetë duke shkuar në burg, se kam shitur disa apartamente dy herë dhe isha duke vdekur nga frika. Tani që shikoj se çfarë elektorati kemi dhe çfarë është në gjendje të bëjë për ne, jam e qetë, sikur të më arrestojnë dhe nesër.