Gjykata e Apelit i ka lënë vulën dhe logon e Partisë Demokratike Sali Berishës. Gjykata nuk ka pranuar ankimin e Lulzim Bashës, duke lënë në fuqi vendimin e gjykatës së Shkallës së Parë të marrë nga gjyqtari Agron Zhukri se vula i takon Sali Berishës.
Pasi dëgjoi parashtrimet dhe argumentet e palëve të përfshira në konfliktin dy vjeçar, trupa gjyqësore vendosi që vula dhe logo e PD-së i përket grupit të Rithemelimit, i drejtuar nga ish-kryeministri, i cili ndodhet në masën e sigurisë ”arrest shtëpie” që prej 30 dhjetorit 2023.
Trupi gjykues që shqyrtoi çështjen e vulës së Partisë Demokratike përbëhet nga relatore Alma Ahmeti, ndërsa anëtarët ishin Iliba Bezati dhe Elona Toro.
Beteja për vulën e Partisë Demokratike mes demokratëve të Lulzim Bashës dhe Sali Berishës vijoi prej dy vitesh. 8 janari i 2022 kulmoi në përplasje fizike mes Rithemelimit e PD zyrtare, ku vetëm ndërhyrja e policisë shmangu pasojat e rënda.