Një gazetar radioje është qëlluar për vdekje teksa prezantonte një emision live në Filipine.
Personi i armatosur hyri në studion te shtëpia e Juan Jumalon, i njohur si DJ Johnny Walker, duke u shtirur se ishte dëgjues.
Më pas ai qëlloi dy herë 57-vjeçarin gjatë transmetimit të tij në mëngjes, teksa njerëzit e ndiqnin programin drejtpërdrejt në Facebook.
Sulmuesi rrëmbeu gjerdanin e arit të Jumalon përpara se të ikte me një motoçikletë me dikë që po e priste jashtë.
Videoja e sulmit tregon Jumalon teksa ndalon dhe sheh diçka larg nga kamera, përpara se të dëgjoheshin dy të shtëna.
Më pas ai bie nëkarrigen e tij, ndërsa muzika luan në sfond.
Gazetari vdiq rrugës për në spital.
Sulmuesi nuk u pa në transmetimin e drejtpërdrejtë të Facebook, por policia tha se po kontrollon nëse kamerat e sigurisë të instaluara në shtëpinë e viktimës ose të fqinjëve kanë regjistruar ndonjë gjë.
Oficerët po hetojnë për të identifikuar autorin e armatosur dhe për të përcaktuar nëse sulmi kishte lidhje me punën.