Po komentohet, si rënie e “monumentit” të tij politik e bashkë me të Ilir Metës, si mbyllje e këtij tranzicioni të zi 30-vjeçar, që “monument” të fundit në proces çmontimi, kanë vazhduesin, kopjen dhe ekuivalentin e tyre, Edi Rama
Data 20 shkurt, simbol i rrëzimit të monumentit të diktatorit Hoxha, u shoqërua me dy momente delikate për 75-vjeçarin Sali Berisha, plakun trazovaç e përbindësh të politikës shqiptare, objekt urrejtjeje e denigrimesh prej shqiptarëve, për shumë ngjarje e akte qeveritare, që kanë lidhje me emrin, familjarët dhe kamikazët e tij.
Momenti i parë/ Në datën 20 shkurt 2019, ish-kreu i PD prej 23 vitesh e ish-politikan prej 29 vitesh, iu bind trashëgimtarit partiak Basha dhe firmosi dorëzimin e mandatit të deputetit, rrjedhimisht edhe imunitetin, prej të cilit, nuk është prekur nga drejtësia në shumë raste skandalesh e krimesh njerëzore, të akuzuara e të faktuara.
Momenti i dytë/ Në datën 20 shkurt 2019, Garda e Republikës, me urdhër të Ministrit të Brendshëm, Sandër Lleshaj dhe me miratim të Kryeministrit Edi Rama, i hoqi Sali Berishës, rojet policore shtetërore, të cilët e shoqëronin prej afro 6 vitesh, qysh pas dorëzimit të detyrës si kryeministër, megjithëse ligji e përcakton vetëm 3 vite pas detyrës, por sigurimi vazhdonte, mbasi kishte sinjale, për sulme hakmarrjesh “kanunore” ndaj tij.
Momenti i tretë/ Ndërsa Edi Rama, i hoqi rojet e Gardës, Lulzim Basha i hoqi Sali Berishës, mandatin e mbrojtjes ligjore, por pas krijimit së strukturës, Byroja Kombëtare e Hetimit (BKH) dhe Struktura e Posaçme Anti-Korrupsion dhe Anti-Krim të Organizuar (SPAK), e kanë të parin në listë, për t’i hequr lirinë e pasurinë, bashkë me të Ilir Metës, Fatmir Mediut e gjithë politikanë-përbindëshat e këtij tranzicioni majtas-djathtas./Pamfleti