Nga Ilir Demalia
Ndeshja Shqipëri vs Andora më la një shije të hidhur nga tifozëria e shqiptarëve me fjalorin vulgar në drejtim të Presidentit të FSHF-se Armando Duka dhe me thirrjet “O Serbi ule kokën se Shqiperia ta q… motrën.
Grupimi TKZ Tifozat kuq e zi, protesta që shprehnin për Presidentin Duka, e kishin ngaqë: FSHF-ja u ka dhënë atyre gjithmone bileta ne grup. Aq sa kane kerkuar.
Tani FSHF ka vendosur qe te mos japin bileta në grupime. Por online sejcili ka të drejtë të blejë jo më shumë se 4 bileta. Praktikë kjo e njohur në të gjithë botën.
Vetëm për arsye të këtij grupimi Shqipëria ka paguar gjoba në cdo ndeshje. Se hedhin fishekzjarre. Hapin parrulla nacionaliste etj etj.
Presidenti Duka ka ngritur dinjitetin e futbollit shqiptar.
Mos të harrojmë se kur mori FSHF-në Armando Duka, zyrat e FSHF-se ishin një urinore ke karshija e Stadiumit Qemal Stafa. Sot kemi një nga federatat model në Europë.
Stadiumi ishte kthyer në një gërmadhë mbushur me mekanik, qoftexhi, zgërqe pijanecësh që vinte era hurdha, qepë, tavlla me bishta cigaresh dhe bërthoma ullinjsh.
Sot kemi një stadium dinjitoz me standarte europiane dhe një qender biznesi si në perëndim ku përditë është plot me rini.
Me drejtimin e Dukës shkuam dy herë ne Kampionatin Europian dhe do të shkojmë dhe në atë Botëror 2026 USA. Nuk kishte ndodhur kurrë më parë.
Thirrjet kundër Serbisë që nuk kishte kurrëfarë lidhje me ndeshjen, tregonin vetëm injorancë, banalitet dhe fodullëk patriotizmi primitiv ballkanik.
Në anën tjetër këta “patriotë” nuk kuptojnë që me thirje dhe veprime të çfaqura me urrejtje racore, nacionale etc, i kushtojnë konseguenca ekipit kombëtar. Si mund të quhen këta absurdë Kuq e Zi?!!
Gjithkush ka të drejtë të ketë kritika dhe vërejtje ndaj Dukës dhe kujtëdo. Por kjo me qytetari dhe etikë dhe jo vulgaritet dhe shtazëri që vjen nga shpellat e errëta të primitivitetit.
Sporti bashkon dhe krijon entuziazëm tek njerëzit.
Shprehjet e tifozerisë në stadium shpesh pasqyrojnë një mungesë të edukimit dhe kulturës sportive. Në vend që të inkurajohet skuadra, shumë shpesh fokusi zhvendoset te ofendimet personale, racizmi apo shprehjet vulgare. Kjo shkatërron imazhin e futbollit shqiptar dhe krijon një ambient të papërshtatshëm, sidomos për fëmijët dhe familjet që mund të duan të ndjekin ndeshjet.
Tifozët që lënë vendet bosh si formë proteste, por pa dhënë një qëllim të qartë, krijojnë një konfuzion. Nëse protesta është për një figurë si Armando Duka, atëherë mund të bëhet në forma më konstruktive. Stadiumi nuk duhet të përdoret për përçarje, por për mbështetje.
Patriotizmi duhet të jetë burim krenarie, por kur shndërrohet në vulgaritet dhe nxitje urrejtjeje ndaj kombeve të tjera (në këtë rast Serbisë), ai humb çdo vlerë. Ky lloj “patriotizmi primitiv” nuk kontribuon asgjë për imazhin e Shqipërisë dhe është një pasqyrë e keqe për ata që përfaqësojnë kombin në arenën ndërkombëtare.
Federata Shqiptare e Futbollit dhe organizatorët e eventeve sportive duhet të luajnë një rol më aktiv në edukimin e tifozerisë dhe në krijimin e një klime që promovon respektin dhe ndershmërinë sportive. Gjithashtu, duhet të ketë masa më të forta për të parandaluar sjelljet e pahijshme.
Nëse ky debat shërben për të ngritur ndërgjegjen e publikut, atëherë mund të konsiderohet një hap drejt përmirësimit të kulturës sportive në Shqipëri. Megjithatë, për të arritur rezultate reale, duhet një përpjekje e koordinuar nga të gjitha palët: tifozeria, organizatorët, media dhe institucionet.