Analisti Frrok Çupi e konsideroi protestën e dhunshme të thirrur nga ish-kryeministri Sali Berisha këtë të shtunë në selinë blu si një sulm ndaj Partisë Demokratike dhe veçanërisht Shteteve të Bashkuara të Amerikës për të shfryrë inatin se pse Departamenti Amerikan i Shtetit e shpalli atë “non grata” më 19 maja të vitit që lamë pas.
Teksa ishte i fura në një studio televizive analisti Çupi theksoi se nga protesta që degjeneroi në dhunë Berisha humbi dhe madje sipas tij, ai mbeti vetëm dhe u braktis nga demokratët, nisur nga numri i vogël i protestuesve që iu bashkuan tubimit të dy ditëve më parë.
“Ai ishte një sulm nuk ishte një protestë, ka një koncept tjetër protesta, ka një synim të dobishëm, ka një filozofi. Ai ishte një sulm për të shkatërruar zyrat e PD dhe shkrehur inatin e Berishës ndaj SHBA që e shpalli “non grata”. Sot ishte fundi i Sali Berishës dhe i fundi i dhunës.
Kjo që ndodhi sot tregoi se sa e vogël është bërthama e dhunës në Shqipëri, brenda PD ka një bërthamë terrorizmi, por që pak nga pak po ulet dhe po harrojmë kohën e tmerrshme të Berishës që gjithçka e zgjidhte me dhune, grushte shteti, vrasje njerëzish dhe djegie qytetesh. Sot mbeti si sorrë e vetmuar në mes të oborrit të PD, askush nuk mund ta marrë seriozisht”, deklaroi ai.
Më tej analisti theksoi se brenda PD ka pasur gjithmonë persona të dhunës dhe sipas tij, Berisha është kujdesur gjithmonë që t’i mbledhë këto persona të krimit rreth vetes.
“Basha ka fjetur me Berishën kanë të njëjtat pleshta. PD që nga 96-97 ka një bërthamë shumë të egër terrorizimi brenda në parti dhe Berisha ka qenë shumë i kujdesëm që t’i mbledh këto njerëz brenda vetes dhe t’i manipulojë si terroristë. kushdo që ka qenë intelektual në PD, është jashtë PD, fatmirësish janë gjallë, të tjetër janë vrarë nga Berisha.
Ai u tërbua se i doli duarsh grupimi i tij i zjarrit, i doli duarsh partia e tij. Basha është një prej bashkëpunëtorëve në krim dhe është pjesë e familjes Berisha dhe është forca e Bashës që të shkëputet prej kësaj situate”, nënvizoi Çupi.