Analisti i njohur, Frrok Çupi komentoi dje shpalljen “Non Grata” të ish-kryeministrit Sali Berisha nga Britania e Madhe.
Teksa dje ishte ftuar në një studio televizive, analisti Çupi hodhi akuza të forta në adresë të Berishës, ndërsa theksoi se sipas tij, një ndër çështjet më të mëdha të lidhura me korrupsionin janë krimet e luftës së Millosheviçit.
“Dërgimi në mënyrë të paligjshme dhe furnizimi me karburant dhe armëve për një ushtri pushtuese për një ushtri mizore është korrupsioni më i lartë për një burrë shteti. Berisha e ka filluar karrierën e tij si një i korruptuar dhe ka vepruar në kundërshti me perëndimin dhe interesat e popullit shqiptar.
Do të futeshim në një puzzle që Berisha e ka shumë qejf, SHBA dhe Britania ka cituar shumë pak për korrupsionin e cila rrezikon jo vetëm sigurinë e SHBA por dhe të Britanisë së Madhe”, deklaroi ai. Ndërkohë analisti e ka cilësuar Berishën si më “i keqi” i diktatorëve historik, Saddam Hysein e Millosheviçi duke e krahasuar me titullin e vënë ndaj Hitlerit pas vdekjes së tij.
“Tituj të tillë nuk i janë dhënë as Saddamm Hyseinit as Millosheviçit atëherë u dha pas vdekjes së Hitlerit. Pra ky është një strumbullar shumë i fuqishëm i krimit në Ballkan. Korrupsioni nuk është thjesht para apo përkëdhelja e familjes së tij me paratë e shtetit dhe shqiptarëve. Korrupsioni është dëmtimi i interesave të kombit dhe fuqive të mëdha,.
Ne po shikojmë në këtë moment, pikërisht aleancën perëndimore kundër Millosheviçin në 1999. Nga Londra e Britanisë po “ngrihen (në thonjëza) avionët e Amerikës dhe Perëndimit. Do ta shpallë Non Grata, Italia, Gjermania, Greqia”. Ne ndodhemi në një koalicion perëndimor kundër krimit në Ballkan ku vendin kryesor e zë Berisha.
Duhet ta shpallin do sugjeroja që qytetet e Shqipërisë ta shpallin Non Grata sa më shpejt të jetë e mundur. Është rrezik shumë i madh”, nënvizoi Çupi.