Kreu i Bashkisë Erion Veliaj ka paraqitur në komisionin hetimor për inceneratorët disa pamje ku “përgjohen” celularët e anëtarëve të komisionit.
Veliaj denoncoi në komisionin hetimor ‘korespondencën’ mes kryetares së këtij komisioni Jorida Tabaku, dhe anëtares së AMA-s, Desada Metaj.
Kryetarja e Komisionit Jorida Tabaku ka kërkuar menjëherë nga kryetarja e Kuvendit që të urdhërojë Gardën të marrë masa për kamerat e Kuvendit që të mos lexohen celularët dhe mesazhet që shkëmbejnë deputetet.
Veliaj: Më fal po ju paskeni lënë nam ndërkohë që kemi qenë në seancë, suflerët ju cojnë pyetje si të më pengoni? Paska dal në gjithë portalet po mirë o keni cipë?
Veliaj: Nuk është për Belindin.
Tabaku: Keni marrë kamerat e Kuvendit?
Veliaj: Kamerat i keni live ju.
Tabaku: Kamerat që po xhirojnë celularët e deputetëve? Këtë s’po kuptoj.
Veliaj: Belind s’e kam për ty se shtëpia e lirisë është në rregull.
Tabaku: Keni marrë kamerat e Kuvendit për celularët? I bëj thirrje kryetarës së Kuvendit te marrë masa Garda menjëherë për kamerat e Kuvendit që lexojnë celularët e deputetëve në komision, turp.
Veliaj: Kjo që bëni e turpshme, e bën vetëm një pjesë e opozitës mos u shqetëso. Zëdhënësja ju jep, Desada është shoqja jonë po keni lënë nam.
Tabaku: Keni marrë kamerat e Kuvendit, e turpshme.
Veliaj: Po goc Samiu dhe ti çon pyetjet Desada? Po s’ke turp?
Në një prej fotove, shihet qartë mesazhi që Metaj i con kryetares së komisionit, ndërsa i shkruan: Nuk dua retorikë, përgjigju pyetjes. Kujtojmë se Desada Meta u votuar së fundi si anëtare e Autoritetit të Medias Audiovizive.
Më poshtë bisedat e zbardhura:
Desada Metaj: Se s’ka faj është lodh
Andi Bushati: S’po e kuptoj këtë firmën e tij, ka firmos këshilli bashkiak për buxhetin por jo për… ???
Desada Metaj: Sepse nuk përgjigjet. Ja ta thotë tani
Andi Bushati: Dhe thuaj mos i kthejë asnjë përgjigje personale…. Se ai po mundohet ta nxehë dhe ta ngatërrojë.
Debati Veliaj – Tabaku në komision:
Veliaj: Më fal, se telefonin tim as e kam prekur. Po ju paskeni lënë nam! Ndërkohë që ne kemi qenë në séance, ju paskan çuar gjithë suflerët, ju çojnë pyetje si të më pengoni? Paskan dalë në gjithë portalet. Po mirë keni cipë? Se kjo ka dhe një lloj dinjiteti.
Tabaku: Se kuptova keni marrë kamerat e Kuvendit?
Veliaj: Jo, jo kamerat i keni live ju?
Tabaku: Keni marrë kamerat e Kuvendit?
Veliaj: Ja do t’i deponoj. Po është turp.
Tabaku: I bëj thirrje të Kryetares së Kuvendit menjëherë te marrë masa Garda për kamerat e Kuvendit që lexojnë celularët e deputetëve të Komisionit!
Veliaj: Jo jo e bën vetëm një pjesë e opozitës. Mos u shqetëso. Po kjo që bëni është turp. Kjo që bëni, që ulet zëdhënësja aty, Desada shoqja jonë, dhe ju jep… mos qesh tani se ke lënë nam. Janë kamerat e gazetarëve. Gocë ‘Samiu’ dhe t’i çon pyetjet Desada! Po s’të vjen turp? Mirë që shkollën e çove në Paskuqan…