Dje ishte 16 Tetori. Dita e lindjes së diktatorit komunist Enver Hoxha. Me këtë rast ish-bashkëpunëtorë dhe nostalgjikë vizituan të venë e diktatorit për ta uruar.
Por nuk është aspak qëllimi i shkrimit ditelindja e Enverit.
Me këtë rast qarkulluan disa foto nga shtëpia ku jeton e veja. Në foto duken ca tela te varur, kolltuqe të vjetër të mbuluar me një copë të zhubrosur. Një qilim i vjetër mbi ca pllaka majolike nga ato që të gjithë shqiptarët kanë veshur wc. Ca karrike të lodhura nga ato më të lirat dhe për ta përmbyllur një faqe muri nga to që gjendeshin rëndom në çdo shtëpi shqiptari para 90-ës. Qarkulluan shumë legjenda për pasuritë e fshehura të diktatorit, por ato nuk u shfaqën gjëkundi. Këto foto diç tregojnë.
Tani nga ana tjetër kemi këta që kanë drejtuar Shqipërinë këto 27 vitë. Po japim foto të ambjenteve të banimit (çlodhjes) për dy prej tyre që shqiptarët të shohin me sytë e tyre kontrastin.
Të tilla vila dhe luks kanë turli ish-ministrash e ministra, ish-deputetë e deputë, ish-drejtorë e drejtorë, llafazane tv, mashtrusë, sharlatanë, trafikantë e plot e plot të tjerë.
Kanë vila po shumë më modeste edhe njerës të tjerë me biznese apo emigrantë që u janë dashur shumë vite, djersë e gjak për ti ndërtuar.
Kurse shumica e popullit- kush nuk ka patur ndonjë gjë në dorë- ka mbetur atje ku ishte në vitin 1990, në pallate (sigurisht në ato të vjetrat).
Përfundimet nxirrini vetë.
