Në një kohë kur SPAK kërkon nga Këshilli i Mandateve t’i heqë imunitetin Sali Berishës në mënyrë që t’i hapet rrugë një mase arresti, ish-kryeministri ka thirrur protestë.
Ora 12:00 Këshilli i Mandateve nisi shqyrtimin e kërkesës së SPAK për dhënien e autorizimit për arrestimin e Sali Berishës në hetim për aferën e kompleksit Partizani.
Vetë ish kryeministri nuk ndodhet në mbledhje por ka dërguar avokatin Genc Gjokutaj, ndërsa SPAK përfaqësohet nga Arben Kraja dhe Enkeleda Millonai dy prokurorët që hetojnë dosjen Partizani.
Vetë po proteston me të bijën para kryesisë së kuvendit me një grup militantësh.
Por siç duket nga fotoja më poshtë pak mbështetës i janë përgjigjur thirrjes së Berishës, pasi një grumbull i vogël njerëzish janë mbledhur para kryesisë.
Berisha ka refuzuar të paraqitet pranë policisë gjyqësore, me argumentin se masa ndaj tij ishte marrë duke anashkaluar Kuvendit dhe ai nuk e njihte një vendim anti kushtetues.
Pas 3 mosparaqitjesh pranë SPAK, prokurorët kërkuan një masë më të ashpër, arrest në burg apo shtëpiak.
Berisha refuzoi të shkojë duke deklaruar se nuk pranon të poshtërohet.
Policia ka blinduar kryesinë, ndërsa forca policie ndodhen dhe afër godinës së kryeministrisë.
Edhe Deputeti i Partisë Demokratike Enkelejd Alibeaj ndodhet në mbledhje.