Kryeministri Edi Rama ka replikuar me ambasadorin amerikan në Tiranë Donald Lu.
Reagimi vjen pasi ky i fundit kërkoi që shefi i qeverisë të flasë me emrin e tij dhe jo me të SHBA-ve për çështjen e vëllait të ministrit të Brendshëm Fatmir Xhafaj.
“Patjetër që unë flas për veten time dhe miku ynë Lu flet për veten e vet
😊 Dhe krejt normalisht, është puna ime të them atë që mendoj kur flas lidhur me të, siç është puna e tij të thotë atë që mendon kur pyetet lidhur mua
🇦🇱
🤝
🇺🇸”, shkruan Rama në përgjigjen e përcjellë në Facebook.
Ndërkohë, Lu ka siguruar se SHBA po hulumton lidhur me akuzat e bëra.
“Kryeministri duhet të flasë në emrin e tij dhe ne do të flasim në emrin tonë. Ne jemi duke i shqyrtuar pretendimet që janë ngritur në lidhje me vëllain e Ministrit Xhafaj”, u shpreh Lu në përgjigjje të pyetjeve të gazetarëve.
Nje dite me pare kreu i qeverise foli nga salla gjysme bosh e Parlamentit, ku tha se kancelarite e huaja nuk jane shprehur asnjehere per pergjegjesite e ministrit te Brendshem, lidhur me vellain e tij.