Ish-ndihmësmjeku në klinikën Psikiatrike të QSUT-së para viteve 1990, Gjin Lleshi i ftuar në Shqip nga Dritan Hila në DritareTV tregon se si e njeh Sali Berishën.
Zoti Lleshi flet për takimet me Berishën kur të dy qenë anëtarë të Partisë së Punës. Po ashtu tregon si ishte Berisha si mjek dhe si ishte në raportin shoqëror.
“Berisha ka qenë mjek kardiolog. Unë kam qenë 6 muaj anëtar partie dhe nëpër mbledhje jam ndeshur edhe me Berishën.
Berisha nuk ka qenë as komunist e as antikomunist, as fashist e as antifashist. Ai nuk ka ideologji, por vetëm interesa. Ideologjitë e tij kanë qenë vetën për të sunduar barbarisht dhe për t’u pasuruar. Unë i kam ndjekur hap pas hapi. Punoja me rininë e Tiranës, isha sekretar i Këshillit Popullor, etj.
Unë Berishën e kam njohur si një ekstremist. Në raportet mjekësore ka qenë korrekt, mjek i mirë. Në raportet shoqërore është ekstremist, karrierist, servil me të mëdhenjtë për të fituar pushtet. Ai ka pasur probleme me këdo. Por ishin profesorët tanë dhe të nderuar që e ekuilibronin. Një nga këta profesorë ishte Ulvi Vehbiu.
Sa herë kishin probleme me Berishën i thoshin: “Profesor merru me Salën.” Se e mjekoi me psikoterapi, apo mjekime, atë e di profesori që nuk jeton më. Në momentin që do fillonte demokracia Berisha mendoi të bëhej kandidat i Komitetit Qendror të Partisë.
Ai ishte futur në rangjet e larta të udhëheqjes së partisë. Kur filluan proceset çdo gjë u bë me urdhër të Ramiz Alisë. Ne habiteshim, thoshim që është e pamundur që ai të marrë një parti sepse eprorët e tij nuk i kishin besuar Sali Berishës.
Në rrugën shtetërore as nuk ishte shef i ndonjë pavijoni në Kardiologji. Ai nuk kishte pasur kurrë funksione shtetërore. Si mund të merrej një mjek e të vihej në krye të shtetit? Një çmenduri, por jo popullore, por e atyre që e emëruan”, tha Gjin Lleshi.