Mediat turke, konkretisht ‘CNN’, ka shkruar sot se këngëtarja me origjinë shqiptare Dua Lipa e cila performoi në finalen e “Champions League” ka kaluar natën e së shtunës me futbollistin e Real Madrid, Marco Asensio.
Pas disa orësh ka ardhur reagimi i këngëtares tepër të famshme e cila ka mohuar lajmin, ndërsa ka shtuar se diçka e tillë me shumë mundësi kurrë nuk do të ndodhë.
Dua në ‘Twitter’ ka shkruar: “Unë kurrë nuk e kam takuar Marco Asensio-n dhe ka shumë mundësi që kurrë nuk do ta bëj pasi menaxheri im tifoz i Liverpool-it nuk do ma falte.”
Pavarësisht këtij shpjegimi ka patur ende njerëz që nuk e kanë besuar. Një person ka komentuar në postimin e Duas duke shkruar: “Si mendoni nga i marrin njerëzit këto thashetheme? Kush i bën?”
Këngëtarja u përgjigj duke shkruar: “Nuk e kam idenë”.