Mëngjesin e kësaj të shtune pesë persona janë arrestuar për korrupsion në Salerno. Mes të arrestuarve janë Roberto Penna, zv prokuror në Salerno, avokatja e Gjykatës së Salernos Maria Gabriella Gallevi, partnere e këtij të fundit, si dhe sipërmarrësit Francesco Vorro, Umberto Inverso dhe Fabrizio Lisi, ish gjenerali i Guardia di Finanza.
Të arrestuarit akuzohen për abuzim me pushtetin dhe përfitime personale. Hetimet për ta kanë zgjatur nga tetori i 2020-ës e deri në korrik 2021 ku janë zbuluar të dhënat për korrupsion midis zv.prokurorit dhe sipërmarrësve të konsorciumit.
Ndërkaq mes personave që tashme janë në pranga është edhe Fabrizio Lisi, ish-gjeneral italian të Guardia Di Finanza.
Ky i fundit pas daljes në pension, është drejtues i një shoqate kulturore italiane që operon në Shqipëri e që i janë dhuruar me mijëra katrorë në bregdetin e Vlorës.
Ka qenë televizioni Italian Rai 3 që pas një kronike ka mësuar se prona në Vlorë i është dhuruar shoqatës nga “Artur Shehu, një qytetar shqiptar që aktualisht jeton në SHBA dhe është hetuar në Itali për lidhjet mes Sacra Corona Unita (mafia italiane) dhe investimeve të saj në Shqipëri”.
Por ish-gjenerali ka thënë se nuk ka dijeni me problemet qe mund të ketë pasur dhuruesi i tokës, rreth 30 mijë hektarë.
I pyetur nga gazetari italian në telefon, gjenerali tashmë në pension, që identifikohet me emrin “Lisi” thotë se në kohën kur ishte dhuruar prona nuk ka pasur dijeni për problemet ligjore që mund të ketë pasur dhuruesi.