Analisti Fatos Lubonja ka bërë një paralajmërim në studion e emsionit “Të Paekspozuarit” në News24.
Lubonja tha se nëse Kosova dhe Shqipëria do të bashkohen mund të nisë lufta.
Më tej analisti u shpreh se ky prjekt bie ndesh me ndesh me projektin europian.
“Ky takim dhe gjithë kjo simbolikë, gjithë kjo butafori nacionaliste, fsheh një dështim edhe më të madh se sa ky. Fsheh dështimin e një projekti, që me fjalët e Edi Ramës dikur përmblidhej ndryshe. Ky thotë që në 2025, ne do të bashkohemi dhe nënteksti ishte që do apo nuk do Europa, ne do të bëjmë një lloj bashkimi. Ndërkohë që, vizioni i paraqitur më parë, ka qenë “Së bashku nën qiellin e Europës” – vazhdoi ai.
Në vazhdim të fjalës së tij, ai ka thënë se deklaratat e Ramës mund të sjellin një situatë si ajo midis Rusisë dhe Ukrainës.
“Askush nuk na garanton që kjo “zgjidheni vetë” të mos jetë siç bën Rusia me Ukrainën, askush nuk na siguron që nuk do të shkojmë në konflikte që janë shumë serioze. Jemi gati për luftë ne? Se këta na kanë bërë që të ikim, këta na kanë tjetërsuar vendin tonë duke na grabitur”- nënvizoi Lubonja.