Ndonëse opozita ka deklaruar gjatë gjithë kësaj kohe se Inceneratori i Fierit është fantazmë dhe me fondet për ndërtimin e tij është abuzuar, dje anëtarët e Komisionit Hetimor për këtë qëllim janë njohur nga afër me të gjitha ambientet e inceneratorit.
Ata janë informuar se ndërtimi është në përfundim, është na fazën e kolaudimit dhe përfundon brenda 40 ditëve, ndërkohë që deputetet e PS, Ermonela Felaj dhe Antonteta Dhima kanë reaguar edhe në rrjetet sociale për këtë çështje.
Ja postimi i plotë i deputetes së PS, Ermonela Felaj në Facebook:
Një shikim i shpejtë i ish fushës së mbetjeve në Fier, një gangrenë e vërtetë, e stërmadhe ( mbi 6 ha) ku vetëm pak kohë më parë e që prej 45 vitesh, lartohej mali shkrumbues i tonelatave të plehrave , sot #erehabilituar në masën 70%( puna nga bashkia vijon ende) , nëpërmjet shtypjes, ngjeshjes dhe mbjelljes së sipërfaqes ku është ndërhyre deri më tani, të rreth 4000 pemëve, ekualipte dhe akacie.
Ajo cfarë Fierit i rëndonte në dekada, cdo qytetari që jeton e frymon atje, tanimë, mund të konsiderohet vec një e kaluar e lënë mbrapa, pasi që impianti i trajtimit të mbetjeve në Mbrostar, ofron nje zgjidhje të plotë dhe afatgjatë të këtij problemi të rëndë mjedisor. Ngelet e rëndësishme ndjekja me korrektësi e detyrimeve nga aktorët në fushë, dhe jo vetëm me korrektësi por dhe me përgjegjësi të shtuar, sepse e gjitha përkthehet si investim në favor të jetës dhe një shëndeti më të mirë!
Ja postimi i plotë i deputetes së PS, Antoneta Dhima në Facebook:
Me kolegët e komisionit hetimor parlamentar “Për kontrollin e ligjshmërisë së veprimeve të organeve publike në procedurat për ndërtimin dhe administrimin e impianteve të trajtimit të mbetjeve urbane” zhvilluan sot një vizitë tek impianti i trajtimit të mbetjeve urbane në Mbrostar, Fier.
Vizita në këtë impiantë ishte pjesë e planit hetimor të këtij komisioni dhe pati për qëllim inspektimin e ambienteve të impiantit dhe zonës ku do të përpunohen mbetjet e ngurta të qarkut Fier, ecurinë e punimeve, teknologjinë që do të përdoret për trajtimin e mbetjeve dhe incenerimin, etj.
Impianti i trajtimit të mbetjeve nuk ishte një “ Fantazëm “ po ishte një realitet i cili duhet pranuar dhe vlerësuar nga të gjithë.
Banorët e Qarkut Fier i janë falenderuar kryeministrit Rama dhe qeverisë shqiptare për këtë investim shumë të rëndësishëm dhe shumë të domosdoshëm, pasi zgjidhi përfundimisht problemin shumëvjeçarë të trajtimit të mbetjeve të cilat prej vitesh ishin bërë shumë problem dhe gangren për jetën e shëndetin e qytetarëve.
Nga ana e drejtuesit teknik të punimeve u informuam se impianti i mbetjeve nga ana ndërtimote pothuajse ka përfunduar dhe ishte faza e kolaudimit të pajisjeve e cila do të përmbyllet brenda 30-45 ditëve. Në këtë impiant çdo ditë depozitohen rreth 180 ton mbetje nga ana e bashkive: Fier, Lushnje, Roskovec dhe Patos e në vijimësi aty do të depozitohen edhe mbetjet e bashkive Divjakë dhe Mallakastër.
Gjatë inspektimit përveç inceneratorin pamë nga afër dhe landfillin ku janë duke u depozituar mbetjet urbane, depozitat e ujërave të ndotura, depozita e hireve, puset e kontrollit të ujërave nëntokësore, si dhe pajisjet teknologjike që do të përdoren për incenerimin e mbetjeve të ngurta të qarkut Fier.
Në ditët në vijim n? zbatim të planit të hetimit do të zhvillojnë vizita në impiantin e trajtimit të mbetjeve urbane të Elbasanit si dhe në landfillin e Tiranës.