Avokat Spartak Ngjela në një postim në rrjetet sociale para dy ditësh ngriti shqetësimin se fajtor për gjendjen në të cilën ndodhet vendi ynë janë kryeministrat që ne kemi pasur ndër vite.
Mirëpo pikërisht në këtë postim, Ngjela ka marrë një koment nga një qytetar, i cili i kujton kohën kur avokati ka qenë Kryetar i Komisionit Parlamentar për ngjarjet e 97′.
“Po si ta zgjidhin shqipetaret kur përfaqësuesit e tyre jan konformist!? Psh. Ju keni qene Kryetar i Komisionit Parlamentar per ngjarjet e 97′ ! Pse e deformuar te verteten qe populli ynë u ngre ne kembe per te rrezuar dhe e rrezoi nje regjim qe vodhi zgjedhjet, pasi paratë sic e ke thene dhe vete ishte shkaku shpërthyes! Shqiperise nuk i kane munguar oratoret por i kane munguar idealistet reformator!
Imagjino sikur te ishte analizuar dhe trajtuar me drejtesi 97′, cfare niveli drejtesie shoqërore dhe përgjegjshmërie ne drejtim te administrimit te pushtetit do te kishim sot! E sigurt qe politika dhe krimi do te kishte ndarje reale jo simbiozë sic e trashëgojmë prej 30 vjetësh!
Enveri ishte diktator u cili mbolli terror, ndërsa te gjithe aktoreve politik mbrapa vendosen ne qendër te vëmendjes ne radhe te pare interesin e tyre vetjak!”, i shkruan qytetari.
Pas këtij komenti, e menjëhershme ka qenë përgjigjia e avokat Spartak Ngjelës.
“Nuk je te e vërteta. Pushteti gjyqësor dhe kryeministri Nano ishin kundërshtarët e mi. Unë nuk isha gjyqtar; por konstatues, si deputet. Dini gjë se kush ishte prokurori i përgjithshëm. Më vjen për të qeshur me mendimin tënd kundër së vërtetës.
Mere raportin tim dhe lexoje: është nivel i lartë; nuk besoj se e kap dot thellësisht; sepse unë ua dërgova kancelarive perëndimore. Merre dhe lexoje. E ke në gugëll. Nanoja ishte me Saliun. Si gjithmonë. Po ku kuptoni ju!
Raporti im është vlerë e veçantë në konceptet e Shtetet Shqiptar.
Kur të shkruhet një tjetër me këtë nivel; më njoftoni.
Idealistët që koncepton ti; janë turq; unë jam Perëndimor me konceptet kantiane dhe anglosaksone për shtetin. I ke në raportin tim të gjitha. Por është i vështirë për ju; por jo për kancelaritë perëndimore që ishin në sallë.
Hartimi yt, nuk ka lidhje me konceptet e shtetit dhe të drejtësisë; kurse drejtësia Nano dhe Berisha që ishte më 1997; ishte kjo që po fundoset sot nga Uashingtoni për korrupsion.
Prisni; se do t’i dëgjoni të gjitha….”, i përgjigjet Ngjela.
“Fatos Nano ishte kundërshtari im”, Spartak Ngjela nxjerr