Kreu i Partisë Republikane, Fatmir Mediu ka reaguar ndaj arrestimit dhe dhunimit me shkop gome ndaj sekretarit Organizativ të PD Sahit Dollapi, gjatë protestës së opozitës dje në Tiranë.
Mediu e cilëson një akt vandal këtë ngjarje, sipas tij të urdhëruar nga kryeministri Rama.
“Akti vandal i policisë ndaj Sekretarit Organizativ të PD z. Sahit Dollapi, i urdhëruar nga Rama, është fytyra e vërtetë e një shteti të kalbur e korruptuar, i cili ka bërë marrëveshje me krimin, kundër qytetarëve.
Policia tashmë është një instrument politik i një Kryeministri mjeran, i cili ka nxjerrë në shitje Shqipërinë dhe Kosovën për interesat e pushtetit të tij.
Dhuna e paprecedentë ushtruar ndaj Sekretarit Organizativ të Partisë Demokratike, z. Sahit Dollapi dhe pengmarrjen e tij nga policia e shtetit, e cila ka detyrë kryesore ruajtjen e rendit dhe të sigurisë së qytetarëve të Republikës së Shqipërisë, është një kopje e shëmtuar e narkoshteteve.
Për këtë skandal, në morinë e gjithë skandaleve të kësaj qeverie të korruptuar që ka kapur peng shtetin dhe qytetarët shqiptarë, do të përgjigjen para ligjit të gjithë ata që kanë urdhëruar dhe ekzekutuar këtë akt skandaloz ndaj Sahit Dollapit!”, shkruan Mediu.