Sekretari amerikan i shtetit Antony Blinken në një intervistë me Dozhd TV, një kanal televiziv i pavarur rus, denoncoi pretendimet e Kremlinit se është Ukraina, jo Rusia duke vepruar si agresor.
“ Fatkeqësisht ajo që po shohim po ndodh pikërisht siç thashë disa ditë më parë në Këshillin e Sigurimit të Kombeve të Bashkuara. Ka fabrikim të provokimeve që më pas do të përdoreshin si justifikim për ndërhyrjen ushtarake ruse në Donbas dhe në Ukrainë më gjerësisht.”
Blinken i quajti pretendimet e Moskës për një gjenocid në Donbas absolutisht të gabuara dhe sinqerisht fyese. Ai tha se Ukraina kishte tetë vjet në përpjekje për të rimarrë Donbasin dhe tha se “kundërshton çdo logjikë” ta akuzojë atë se po përpiqet ta bëjë këtë tani me 150,000 trupa ruse të grumbulluara në kufi. Blinken tha se ai është ende i përgatitur për të takuar homologun e tij rus, ministrin e Jashtëm, Sergei Lavrov, javën e ardhshme në Evropë , duke supozuar se “Rusia nuk pushton Ukrainën ndërkohë”.
I pyetur nëse ka ndonjë gjë që SHBA-ja mund të ofronte që do të çelte tensionet, Blinken tha se kishte shumë fusha ku dy fuqitë botërore mund të punonin së bashku për të “përmirësuar sigurinë e të gjithëve”.
“Por duke e bërë këtë edhe me një armë të drejtuar në kokën e Ukrainës – 150,000 forca ruse në veri, në lindje, në jug – është shumë e vështirë të arrish përparim në atë mjedis”, tha ai.
Duke vënë në pikëpyetje cilësinë e informacionit që po merrte Putini, Blinken tha se ndjenja publike në Ukrainë ishte larguar ndjeshëm nga Rusia që kur ajo pushtoi Krimenë në vitin 2014. “Nëse Putini beson se forcat ruse do të pranoheshin me krahë hapur në Ukrainë, mendoj se ai është thellësisht gabim, “ tha Blinken.