Një video e Lionel Messi-t është duke u shpërndarë me shpejtësi në internet pasi ylli i Barcelonës ia ka zbukuruar ditën një djaloshi i cili po përpiqej ta takonte. Messi po kthehej në hotelin ku qëndron i grumbulluar me kombëtaren albiçeleste kur një fans i vogël i është afruar për t’a takuar.
Rojet e sigurimit e kanë larguar menjëherë djaloshin i cili nuk ka bërë rezistencë, por sytë i janë mbushur me lot pasi nuk mundi t’ takojë idhullin e tij. Ky ishte vetëm mendimi i parë i djaloshit pasi skenën e ka parë vetë futbollisti i cili ka urdhëruar t’a kthenin menjëherë mbrapsht fansin e vogël.
Pasi e ka takuar, Messi ka shkrepur edhe disa foto me të, ndërsa më pas të dy janë larguar në drejtime të ndryshme.