Me një ekip prej dhjetra personash që punojnë për të ngritur imazhin e Erion Veliaj, duke filluar nga kameraman, fotograf, këshilltarë dhe monitorues, rezulton sipas një investigimi të ekskluzive.al, se me gjithë përpjekjet e kryebashkiakut të Tiranës për t’i hedhur hi syve të banorëve të kryeqytetit, ai është politikani më “i urryer” në Instagram.
Mjafton të analizosh profilin e Erion Veliaj dhe kupton se krahasuar me kolegët e tij, ai padyshim me mjaft meritë e fiton çmimin e parë si “Mister Urrejtja”.
Shumë politikanë të tjerë ndoshta janë më pak të ndjekur në postimet e tyre në instagram dhe influenca e tyre është mjaft e dobët, por Veliaj i kalon të gjitha pritshmëritë.
Sipas një kërkimi të programit “Not just Analytics”, një aplikacion falas që bënë analizën e profileve në instagram, rezulton se Veliaj është politikani më me pak influencë në rrjetin social Instagram.
Në foto analiza e profilit të Erion Veliaj në Instagram nga “NJL”
Veliaj ka 371116 ndjekës në Instagram dhe rezultatet e vlerësimit pas kërkimit të profilit të tij tregonin se popullariteti i kryetarit të Bashkisë Tiranë ishte përtokë. Sipas “NJL”, Veliaj ka një indeks prej 0.43% të interaktivitetit të ndjekësve të tij në profilin Instagram.
Matja e këtij indeksi bëhet nga aplikacioni i cili zbulon se: “E.R që nënkupton Estimated Rresults (rezultatet e vlerësimit), është mesatarja e pëlqimeve dhe komenteve të 12 postimeve të fundit (duke përjashtuar më të fundit) pjesëtuar me numrin total të ndjekësve”, shkruhet tek info e rezultatit.
Në foto shpjegohet se si del E.R, rezultati i indeksit të popullaritetit të Erion Veliaj
Rezultatet e këtij kërkimi, tregojnë se makina e propagandës së Veliaj nuk ka arritur të bind qytetarët e Tiranës me mbjellje pemësh që shfaqen vetëm në videot e parapërgatitura nga stafi i propagandës së bashkisë, pasi qytetarët e shohin se si çdo ditë parvazet e tyre errësohen nga kulla shumëkatëshe dhe hapësirat e gjelbërta kafshohen e shkatërrohen nga ndërtues manjakë të betonit.
Sipas këtij kërkimi rezulton se pas Veliaj, më pak popullaritet në instagram ka Presidenti i Republikës Ilir Meta, me një E.R që shkon 0.83% për 58904 ndjekës, i ndjekur nga Lulzim Basha me 1.06% për 92588 ndjekës.
Edi Rama është politikani më me influencë në Shqipëri i cili ka 536351 ndjekës dhe E.R është mbi mesataren me 2.03%. Pas Edi Ramës, ministrja Belinda Balluku ka një trend tejet pozitiv të ndjekësve në Instagram me një E.R 4.85 për 28465 ndjekës.
Mëposhtë po ju paraqesim dhe vlerësimet për disa nga politikanët në Shqipëri që kanë ndjekës mjaftueshëm në Instagram, ku popullariteti i tyre lëviz sipas interaktivitetit të faqes përpjestuar me numrin total të ndjekësve. Sa më i ulët numri i ndjekësve aq më e lartë duhet të jetë E.R. Ekskluzive.al nuk përfshiu në këtë kërkim, politikanë apo ministra që nuk kanë ndjekës mjaftueshëm në Instagram për tu bërë pjesë e këtij vlerësimi.Ekskluzive.al
