Padyshim që Bashkia Tiranë e drejtuar nga Erion Veliaj është një nga bashkitë më të korruptuara në vend dhe për të dal në këtë konkluzion nuk lodhesh shumë, mjafton t’i hedhësh një sy të shkurtër tenderave që lëshojnë institucionet e saj të varësisë.
Sipas një investigimi të ekskluzive.al, rezulton se vetëm gjatë 6 muajve të fundit, institucionet prokuruese të Bashkise Tiranë, kanë dhënë përmes 52 tenderave të dyshuar korruptiv dhe klientelist, rreth 8.1 milion dollarë. Këtu flasim vetëm për tenderat e cilësuar Flamur i Kuq (Redflag), të cilat Open Data Albania i cilëson si tender korruptiv apo klientelist për shkak të “Mungesës së Konkurrencës” apo “Skualifikimit të të gjithë operatorëve veç atij fitues”.
Në këto nivele babëzie, ndalimi i korrupsionit në Bashkinë Tiranë është kthyer në emergjencë kombëtare, e këtë hap padyshim mund ta bëj SPAK, i cili deri më tani nga miopia nuk e sheh ujkun para syve, që po bënë kërdinë me paratë publike por na kërkon gjurmët. Duke qenë se SPAK është i zënë duke “zbardhur” skandalin e Inceneratorit të Tiranës dhe nuk ka kohë të shoh tenderat klientelist dhe korruptiv që lëshojnë çdo ditë drejtorët e Bashkisë Tiranë, po i vijmë pak në ndihmë duke i treguar dhe për gjurmët por dhe se ku fshihet ujku dhe kush e drejton tufën.
8.1 milion dollarë vetëm në 6 muaj janë avulluar tek klientët e Bashkisë Tiranë! Ndërkohë të bënë përshtypje apatia e SPAK, i cili lejon dhjetra tendera korruptiv në Bashkinë Tiranë, kurse nga ana tjetër është i vëmendshëm për tenderat 200 mijë dollarë të kanalit ujitës në Lushnjë, që çuan prapa hekurave kryebashkiakun Fatos Tushe.
Pjesa më e madhe e 52 tenderave janë klientelist dhe të dyshuar korruptiv, por shumë prej tyre janë sa 99% e fondit limit, disa prej tyre sa fondi limit. Ka dhe nga ata të cilët u jepen kompanive që kanë pasur administrator persona me të kaluar kriminale apo të dënuar nga drejtësia për korrupsion./EKSKLUZIVE.AL
Në foto të gjitha tenderat e Bashkisë Tiranë, 52 tendera me flamur të kuq që kapin vlerën 8.1 milion dollarë vetëm për periudhën Janar-Qershor 2022
