Ende nën ethet e pritjes së vendimit të Gjykatës për arrestimin e tij, Sali Berisha mbajti sot një konferencë shtypi, ku deklaroi se kishte “fakte” të tjera për inceneratorin e Tiranës. Ai solli si provë një tabelë excel-i, të marrë nga një publikim zyrtar i Ministrisë së Financave për koncensionet/PPP, duke pretenduar se Bashkia e Tiranës kishte alokuar një fond prej 12 mln euro për inceneratorin e Tiranës për vitet 2024, 2025 dhe 2026.
tij, edhe Ministria e Infrastrukturës dhe Energjitikës kishte bërë një alokim fondesh për inceneratorin, duke parashikuar dy herë financim për të njëjtin zë.
Por, nga një verifikim i thjeshtë që i bëmë dokumentit të Buxhetit të Shtetit, i cili është publik dhe mund të verifikohet nga të gjithë, rezultoi se as Ministria e Infrastrukturës dhe Energjitikës dhe as ndonjë ministri tjetër nuk ka parashikuar fonde për inceneratorin e Tiranës për vitet 2024, 2025 dhe 2026.
Institucioni i vetëm që ka bërë këtë parashikim, sipas ligjit dhe detyrimeve që ka, është Bashkia e Tiranës.
Nuk dihet nëse kjo gafë e Sali Berishës është e qëllimtë ose jo, por gjithsesi logjika të shpie në dy përfundime të mundshme:
1-Ose personat që i kanë servirur Sali Berishës këtë “provë” të re janë të paaftë nga kapaciteti për të kuptuar një dokument si Buxheti i Shtetit (dhe kjo është diçka e kuptueshme për Belind Këlliçin, i cili s’ka punuar asnjë ditë në jetën e tij, por është e papranueshme për Berishën, i cili e ka drejtuar vendin si kryeministër);
2-Ose në këtë rast kemi të bëjmë thjesht me disa mashtrues kronikë, që përpiqen të gënjejnë opinionin publik.