Kandidatja kryesore e Macron në zgjedhjet e BE, eurodeputetja franceze Nathalie Loiseau, ka mbajtur një qëndrim shumë të ashpër përsa i përket hapjes së negociatave me BE për Shqipërinë.
Franca ka vënë veton në takimin e djeshëm të krerëve të vendeve të BE-së dhe sipas Loiseau, Paris kishte shprehur dyshime për një kohë të gjatë.
“Në një moment kur Britania e Madhe po largohet, kur ne kemi nevojë për të reformuar BE-në dhe kur një numër i vendeve anëtare nuk kanë thënë ende se si do të financojnë MFF-në e ardhshme, a jemi ne gati të konsiderojmë zgjerimin e Unionit tonë? Vërtet?”,- u shpreh Loiseau në një prononcim për “Euroactiv”, media e specializuar në raportimet lidhur me politikat e BE-së.
Loiseau theksoi se mijëra shqiptarë shkojnë në Francë dhe kërkojnë azil: “Si mund të hapim negociata me Shqipërinë?”, pyeti ajo.
Eurodeputetja deklaroi se shqiptarët shkojnë në Francë pa vizë dhe më pas kërkojnë të përfitojnë nga statusi i refugjatëve, gjë që shpesh u mohohet.
“Ose mijëra shqiptarë meritojnë statusin e refugjatit, i cili në vetvete vë në dyshim nëse Shqipëria mund të jetë një kandidate e BE.
Ose t.rafikantët njerëzorë dhe m.afia po veprojnë nga Shqipëria në Evropën Perëndimore dhe inkurajojnë migrimin e paligjshëm.
Prandaj lufta kundër k.rimit të organizuar duhet të përmirësohet në Shqipëri”, tha politikania franceze.
“Ne e marrim seriozisht perspektivën evropiane të Ballkanit Perëndimor. Ne jemi të përkushtuar për marrëdhënie shumë më të forta me secilin vend të Ballkanit Perëndimor.
Më shumë ndihmë për reformat, më shumë investime, një lidhje më të ngushtë. Ne preferojmë veprat dhe rezultatet sesa fjalimet dhe premtimet e paqarta”, përfundoi Loiseau.