Polonia e cila do të jetë kundërshtarja e parë e Shqipërisë në kuadër të ndeshjeve kualifikuese të ‘Euro 2024’ e ka nisur në mënyrën më të keqe të mundshme rrugëtimin e saj në kompeticion duke u mposhtur 3-1 nga Çekia.
Në ndeshjen e parë të luajtur për grupin E, çekët zbritën me këmbë në tokë Poloninë e Lewandowskit, duke e lënë këtë të fundit totalisht në hije.
Çekët e nisën me energji lojën me dy gola të shënuar në minutat e para të ndeshjes. Krejci 1′, dhe Cvancara 3′, ndërsa në të tretin realizoi Kuchta 64′. Për miqtë golin e vetëm e realizoi Szymanski 87′.
Në 27 mars, Polonia pret Shqipërinë, ndërsa Çekia do të luajë në transfertë përballë Moldavisë.