Pas deklaratës së Doktorit se nuk do shkelë më në SHBA sa të jetë Blinkeni sekretar Shteti, Ervis Kokpalari reagoi nga SHBA, duke i çuar Mulit këtë mesazh:
“I dashur Muli!
Sot është një ditë e madhe për çdo mbështetës të Doktorit në SHBA.
Shuplaka që ai i dha sekretarit Blinken na bëri krenarë.
Siç e di ai, është një djalë jo biologjik i Sorosit, siç ka qenë Luli me Doktorin.
Por nuk është besëpererë si Luli.
Sapo mori vesh se Doktori ka refuzuar të vijë në SHBA sa të jetë ai sekretar Shteti, është shqetësuar dhe ka kërkuar një shoqen time në telefon, që i ka pas thënë që më njeh mua.
Ajo i tha lidhu vetë, se nuk mund t’i them, më vjen zor.
Atij nuk ja mbajti të më merrte në telefon, se normal e dinte se çfarë e priste.
Pas kësaj, siç mora vesh, kishte tentuar të lidhej me disa republikanë t’i fuste si ndërmjetës tek Doktori, që të mos e përsëriste kërcënimin, pasi i ulte autoritetin në SHBA.
Ata më kontaktuan mua. Unë u thashë mos ja bëni atë nder.
Aty ta vuajë mungesën e Doktorit.
Vetë e futi në listë të zezë. S’ka për të shkelur më Doktori në SHBA, sa të jetë ai.
I dëshpëruar, në fund Blinken ka folur me ata të OKB në telefon.
U ka kërkuar atyre që sekretari i Përgjithshëm i OKB ta ftojë Berishën në OKB në Nju Jork, siç kan pas ftuar Fidel Kastron, kur ishte në listë të zezë në SHBA, meqë OKB është eksteritor.
Sekretari i Përgjtishëm i OKB i ka thënë nuk e bëjmë këtë, thirreni vetë. Ne për vete nuk kemi probleme me të.
Tani është bërë keq dhe i bie telefonit tim me numër të panjohur, por nuk ja hap”.