Zv/kryeministri Erion Braçe nuk e kupton qëndrimin e presidentit Ilir Meta, i cili e ka dekretuar vetë datën e zgjedhjeve dhe tani është gati ta shtyjë.
Sipas Braçes, Presidenti i Republikës nuk ka asnjë mundësi apo hapësirë ligjorë për të ndryshuar 30 Qershorin.
“Qëndrimi është antikushtetues, presidenti nuk ka asnjë hapësirë ligjore për të ndryshuar datën e zgjedhjeve.
Zgjedhjet do të mbahen në 30 qershor dhe nuk ka asnjë që ta ndryshojë këtë.Kjo nuk është zgjedhja ime, është precedent i rëndë për demokracinë që synon ti heqë të drejtat kushtetuese të shqiptarëve por nga presidenti kam mësuar se kushtetuta është mbi çdo gjë.
Nuk ka situatë tjetër. Për sa kohë që presidenti i referohet kushtetutës atëherë duhet të zbatojmë kushtetutën, presidenti gjithashtu”.- tha Braçe.