Kryetarja e LSI Monika Kryemadhi foli sot në emisionin Të Pa Ekspozuarit për protestën që opozita do të mbajë të shtunën përpara kryeministrisë.
Kryemadhi tha se Edi Rama është i destinuar të shkojë drejt fundit të tij politik, ndërsa shtoi se ’97 nuk do të jetë asgjë në krahasim me atë që do të bëjnë shqiptarët tani.
Ajo deklaroi se viti i largët, i cili u karakterizua me trazira kishte në mes çështjet e parasë, por sot shtoi ajo, shqiptarët po luftojnë për zgjedhje të lira dhe të ndershme.
“Çfarë të duan qytetarët do të bëjmë pasnesër. Do të ketë më shumë njerëz. Po të jetë aq trim Rama, të shkojë nesër në zgjedhje. Ai ka vetëm një zgjidhje dhe ai është i destinuar të shkojë drejt fundit politik. T’u garantojë shqiptarëve zgjedhjet, ‘97 s’do të jetë asgjë, sepse atëherë shqiptarët u ngritën për lekët, por sot nuk është çështje parash por as çështje tullash”, u shpreh Kryemadhi.