Big Brother Vip pas 136 ditësh ka sjellë padyshim emocione, debate të shumta por më e rëndësishmja një sukses të merituar.
Mes një beteje të vështirë, një përballje ‘titanësh’ publiku sot vendosi që të kurorëzonte si fitues të spektaklit më të ndjekur të momentit mes dy finalistëve, balerinin Ilir Shaqiri.
Katër finalistët, përveç mijëra fansave, fituan 10 mijë euro, ndërsa fituesi, i zgjedhur nga votat e publikut merr 100 mijë euro.
Nata e fundit në shtëpinë e ‘Big Brother Vip’ ‘shastisi’ publikun por edhe vetë konkurentët. Secili prej tyre, të veshur nga emocionet, kanë marrë surpriza mjaft mallëngjyese, e aq më tepër pas kaq shumë kohësh larg ‘lirisë’.
Ilri ndoqi ëndrrën e tij duke vallëzuar me mamanë e tij, ose siç preferon ai ta quajë, muzën e tij në teatrin e Operas dhe Baletit nën zërin e mrekullueshëm të Inva Mulës. Emocione të papërshkrueshme solli dhe shikuesi i tyre, babai i Ilirit i cili i ndoqi të dy me lot në sy i ulur në qoshen e spektatorit.
Një surprizë nga gjysma e tij, i është bërë edhe Donaldit. Këngëtarja Beatrix Ramosaj, ka shkuar pranë tij duke i kënduar me sfond romatik trëndafilash.
Emocione, lot gëzimi, mallëngjime por në të njëjtën kohë, paralajmërimet e çasteve të fundit të spektaklit më të ndjekur në vend. Cili do të jetë fituesi i Big Brother Vip?