Mbrëmjen e djeshme sheshi “Skënderbej” u elektrizua nga këngëtarja me origjinë shqiptare, Eleni Foureira. Qindra njerëz shijuan atmosferën nën këngët ritmike të këngëtares. Një dië pas koncertit, Eleni i ka surprizuar të gjithë teksa ka publikuar një foto me Kryetarin e Bashkisë, Erion Veliajn, i cili i dha çelësin e qytetit duke e falënderuar për ardhjen e saj në Tiranë dhe për atmosferën që i fali publikut.
Përpara të gjithë fansave të saj, Eleni e ka falenderuar Veliajn për ndihmën që ka ofruar për tragjedinë e ndodhur në Athinë.
“Në takimin me kryebashkiakun e Tiranës, e ndjeva të nevojshme që ta falënderoja për ofrimin e zjarrfikëseve. Në këto ditë të vështira, të gjithë bëhemi një dhe ndihmojmë ata që janë në nevojë. Faleminderit për ndihmën,”- shkruan këngëtarja krahas postimit.
(Foto e publikuar nga Eleni Foureira)