Lidhja e Lulzim Bashës me kunatin, qenka shumë e hershme dhe kjo nuk ka të bëj vetëm me afrimitetin familjar të tij me Erion Isufin, por me sa duket dhe për sa i përket aspektit profesional, të cilin shpesh herë e kemi konstatuar gjithmonë pas logos të përfitimeve të “portofolit” Basha, ku emri i kunatit, është gjithmonë “shtojcë” e detyrueshme pas emrit të tij.
Por, ndryshe nga herët e tjera, Ekskluzive.al, ka zbuluar, se Erion Isufi ka qenë sikurse Basha, pjesë e stafit të Gjykatës Ndërkombëtare për Krime për ish-Jugosllavinë (ICTY), fill pasi Basha u kthye në Shqipëri, në vitin 2004, pas akuza që rëndojnë në kurriz të tij, për hetimet e zhvilluara në të ashtuquajturën “Shtëpia e verdhë”, në një fshat afër Burrelit në Shqipërinë Veriore, ku Basha rezulton sipas një raporti të Jose Pablo Baraybar, ish- shef i zyrës të të zhdukurve të UNMIK-ut në Kosovë, se ka qenë përkthyëes i tij!
Në deklarimet e tij të kohës, kur u diskutua mbi raportin e “serbëve të zhdukur” të Kosovës, për “transplatet e organeve” tek “Shtëpia e Verdhe” në Burrel, Jose Pablo Baraybar implikon në këto hetime edhe zotin Lulzim Basha, kreun e opozitës së sotme në Shqipëri:
Gjatë një interviste të tij, për të famshmen zvicerane “Le Temps”, Baraybar sqaron se:
“Përkthyesi i im quhej Lulzim Basha, dhe ai ka punuar si mbledhës të dhënash përmes përkthimit për Gjykatën Ndërkombëtare Penale për ish-Jugosllavinë (ICTY).”
Sipas Ekskluzive.al, ajo që vihet re, është se pas largimit të Bashës nga ICTY, në vitin 2004, Erion Isufi nis punën si pjesë e stafit të kësaj gjykate. Basha në atë kohë u akuzua se ka dhënë informacione të rreme ICTY, se ushtarët e UÇK-së merrnin organet e ushtarëve serb, me qëllimin tregtimin e tyre.
Erion Isufi Bio
Deri më tani, nuk janë vërtetuar asnjë nga pretendimet, se në këtë shtëpi janë hequr veshka të njerëzve për qëllime tregtie dhe se nuk ka asnjë dëshmi bindëse, që është derdhur gjak në këtë shtëpi si rezultat i akteve kriminale.
Thashethemet që kanë qarkulluar për shumë vjet të cilat kanë shpërthyer në nivel ndërkombëtar pas raportit të senatorit zviceran, Dick Marty, lidhur me pretendimet për krime të kryera gjatë dhe pas luftës nga ish-krerë të UÇK-së, kundër serbëve të rrëmbyer dhe të vrarë për heqje të organeve të tyre në muajt pas luftës në Kosovë, ku ndër kontributorët kryesor të formulimit të këtyre akuzave qëndron Lulzim Basha, në bazë të tri hetimeve paralele ndërkombëtare, nga hetues për krime të luftës nga Serbia, Bashkimi Evropian, dhe Këshilli i Evropës, kanë dështuar për të zbuluar ndonjë provë se Ushtria Çlirimtare e Kosovës ka trafikuar organet e robërve.
Pas themelimit të Gjykatës Speciale, Basha pritet të thirret për sqarime për ngjarjen në fjalë ku sigurisht do të dëshmoj pozicionin e tij rreth ngjarjes dhe personat e implikuar në të, por ndoshta për të njëjtat akuza mund të thirret edhe Erion Isufi, që per nga përllogaritja e kohës që ka punuar për “ICTY”, rezulton ta ketë marrë detyrën, si staf i kësaj gjykate, fill pas largimit të Lulzim Bashës në Shqipëri./Ekskluzive.al
Në foto “Shtëpia e verdhë”
