Nga Flogert Muça
Kryeministri Edi Rama ka zhvilluar një takim me studentët ekselentë të cilët janë punësuar në administratën publike. Kreu i qeverisë deklaroi se janë punësuar 373 studentë ekselentë fitues të Platformës PunëtëMbarë.al duke thënë se punësimi i tyre është bazuar 100 % tek merita, pra tek mesatarja e secilit e cila ka qenë nga 9 në 10.
Por mediat pranë PD-së dhe LSI-së për t’i rënë në sy Bashës e Kryemadhit, teksa kanë tentuar të sulmojnë kryeministrin dhe Paktin për Universitetin, kanë treguar edhe kompleksin e tyre ndaj dijes dhe ekselentëve, por edhe tentativën e vazhdueshme për të kompleksuar te rinjtë edhe kur ata marrin çfarë ju takon.
Ata kanë publikuar emrin e një vajze që ishte mes fituesve, e cila përpara se të përfitonte vendin e punës në administratë (sepse ishte ekselente me nota), kishte qenë punonjëse në bashkinë e Tiranës. Sipas të kompleksuarve nga ekselentët, ky është një skandal i madh, pasi për PD-LSI, kriteri i punësimit është ‘ku ke punuar më pare dhe për kë voton’ dhe jo ‘rezultatet në mësime’.
Ky në fakt është intimidimi dhe pretendimi më qesharak, ndaj një studenteje ekselente. Por është shumë i rëndë si sulm, pasi ky është indimidimi dhe kompleksimi që opozita tenton t’i bëjë rinisë, pjesës më vitale të shoqërisë.
Studentja ekselente nuk ka nevojë për avokatinë e askujt, sepse është ekselente në drejtësi, por rasti i saj vlen për të kuptuar qasjen e mediave të verbuara nga politika e ditës, që marrin në gojë çdokënd që del në TV me kryeministrin duke e shpallur ‘non grata’. Njëlloj siç bën edhe partia!
Fakti është se vajza me inicialet E.SH, nuk e ka përfituar vendin e punës as për shkak të intershipit në bashki, as për shkak të eksperiencës së saj në punë, por vetëm nga fakti që ka qenë ekselente në shkollë. Ajo ka mbaruar studimet master për drejtësi me rezultate maksimale, ndaj sot të gjithë duhet të ndjehemi mirë që ekselentët po marrin çfarë iu ka takuar prej kohësh.
Gjithësesi, fakti që ka sulm nga garnizoni i parasë e mikut, tregon se në fakt Edi Rama ka bërë lëvizjen e duhur me ekselentët.
Ndërsa sipas logjikës së mediave pranë PD-LSI, Lulzim Basha që nuk ka mbaruar akoma shkollën në Holandë mund të bëhet 3 herë ministër dhe kryebashkiak i Tiranës, ndërsa një student ekselente në Shqipëri nuk mund të marrë vendin e punës që i takon falë meritës?
Sulmi që mediat pranë opozitës bënë ndaj një studenteje ekselente është treguesi i qartë se në filozofinë e tyre politike nuk ka vend për ata që mendojnë se mund të marrin atë që iu takon në bazë të meritës.
Sulmi ndaj vajzës ekselente sot, është një tjetër arsye pse të rinjtë nuk e besojnë opozitën, e cila në dëshpërim e sipër është hedhur në sulm duke sulmuar ata që janë ekselentë në shkollë.