Blendi Gonxhe, ish-student i dhjetorit ’90 tha se ata që mbështesin Kuvendin e Berishës janë të paditur, të palexuar. Ai theksoi se është dëshmitar sesi ish-kryeministri ka tentuar të thyejë Ambasadën Amerikane si dhe të godasë ambasadorë të ndryshëm.
“Është shumë e hidhur kur shohim sesi po materializohet një lëvizje e cila është aq obskuratiste, e prapambetur. Shikohet edhe në sytë dhe fytyrat e sfondeve që mbizotëron padija. Janë plotësisht të bindur të kultifikojnë këtë individ(Berishën), janë të palexuar, të paditur.
Jam dëshmitar sesi ai ka dashur të thyejë Ambasadën Amerikane, jam dëshmitar si ka dashur të godasë ambasadorë të mëparshëm në Shqipëri. Mund të bënte çdo gjë. Mariza Lino ka qenë target.
Një parvaz e shpëtoi Ndre Legisin. Ia thyen kafkën, ia futën brenda kafkën me tytën e një arme të punonjësve që ky (Berisha) shëtiste me disa Nissane në Tiranë dhe u thyenin kokat njerëzve, Bardhok Lalën e varrosën të gjallë dhe i lanë kokën jashtë te liqeni.
Kur i bënte këto në çdo kohë vetëm për interes për të marrë pushtetin, çfarë mund të bëjë për interes personal? Kemi të bëjmë me një person që ka dalë jashtë çdo lloj norme duke tentuar ti vërë zjarrin Shqipërisë. Është tentativë e pastër për ti vënë zjarrin Shqipërisë”, tha Blendi Gonxhe në emisioni “Shqip”.