Zgjedhjet fars që kanë përfshirë Shoqatat Rajonale që kontrollohen nga ana e FSHF-së, ka nxjerr në pah falsifikime dhe shpërdorime të pastra detyre nga zyrtarët kryesorë të Federatës dhe të Shoqatave.
Ajo që ka rënë në sy në këto zgjedhje të manipulur,a janë dy propozimet që janë bërë për kandidat për president per një mandate të gjashtë të Armand Dukës ne krye te FSHF-se.
Përfaqësuesit e Skënderbeut që janë pjesë e Shoqatës Rajonale të Korçës ishin të parët që propozuan për president të FSHF-së Armando Dukën. Ironia është se propozimi i parë për Dukën ka ardhur me urdhër të një klubi që është i dënuar nga UEFA për trukime masive të ndeshjeve në arenën ndërkombëtare.
Vendimi për Skënderbeun është lënë në fuqi nga të gjitha instancat gjyqesore sportive, si në UEFA ashtu dhe në CAS të Lozanës. Gjatë kohës që Skënderebu që ka bërë trukimet, një ndër financuesit e kësaj skuadre ishte dhe presidenti i FSHF-së Armand Duka, me kompaninë në pronësi të tij caffe “AMA”, pa llogrituar lidhjet e ngushta me presidentët e Skënderebut si Ardjan Takajn dhe Agim Zeqon, shkruan Gazeta Sport.
Dhe jo më kot propozimi i tij i parë ka ardhur nga klubi ku është përfshirë në afera trukimesh dhe përfitimesh personale.
Ndërsa propozimi i dytë sërish ka ardhur nga një Shoqatë ilegjitime në emër të një klubi të shkrirë dhe të vendosur nën sekuestro.
Bëhët fjalë për Shoqatën Rajonale të Gjirokastrës, ku dje kreu një manipulim dhe falsifikime flagrate, ndërsa mbledhja u zhvillua në një hotel nga njerëzit e dërguar aty nga Armando Duka nga ku u propozua dhe emri i tij si kandidat për president të FSHF-së për një mandat të gjashtë pas 20- viteve në drejtim.
Njerëzit që vendosën të propozonin Dukën ishin ish-kryetari i PD-së Gjirokastër dhe ish-kryebashkiaku i Libohovës Altin Como që përfaqësoji në Asamble Klubin e Futbollit Luftëtari, ndonëse ky klub është nën sekuestro me vendim gjykate për borxhet e pashlyera.
Kaq mjafton për të kuptuar se me kë bashkëpunon Duka, për çfarë i duhet karrigia e FSHF-së dhe sa i përfshirë është në lidhjet me klube të dënuar për trukime e të sekuestruar nga Gjykata. /Gazeta Sport/