Rasti i familjes shqiptare Toçilla, e dëbuar nga Franca në fund të gushtit të këtij viti është rikthyer sërish në vëmendje të opinionit francez. Fëmijët e tyre Besardi 6 vjeç dhe Sylvina, 9 vjeç, duhej të hynin në CP dhe CM1 në shkollën fillore “Saint-Bruno”. Por ata u dëbuan në fund të gushtit si pjesë e një procedure administrative.
Mëngjesin e së hënës së 3 shtatorit që përkonte dhe me fillimin e vitit të ri shkollor, aktivistët nga Rrjeti i Arsimit pa Kufij (RESF) 33 u mblodhën në dyert e shkollës së “Shën Bruno de Bordeaux” për të rritur ndërgjegjësimin midis mësuesve dhe prindërve të nxënësvepër situatën e familjes Toçilla.
Kjo familje shqiptare ka jetuar në Francë (në rrethin e La Benauge) që nga viti 2014 dhe është kthyer në vendin e tyre të origjinës më 24 gusht, në kuadër të një procedure të detyrimit për t’u larguar nga territori francez (OQTF), procedurë që ishte objekt i një ankese.
Kësaj familje iu mohua e drejta e azilit dhe pastaj një kërkesë për rregullim të lejeqëndrimit. Ajo ishte ankuar kundër këtij detyrimi për tu larguar nga territori francez, por ankesa pranë Gjykatën administrative ishte pezulluar, raporton “Sud Ouest”.
“Situata tronditëse dhe e papranueshme”
Të dy fëmijët e familjes së kthyer, Besardi 6-vjeçar dhe Sylvina 9-vjeçare, para disa vitesh ishin regjistruar në shkollën fillore “Saint-Bruno”. Ata duhet të ishin të pranishëm në klasat e tyre përkatëse CP dhe CM1, emrat e tyre gjithashtu figuronin në ditarin e nxënësve që priteshin të vinin të hënën, shkruan “Sud Ouest”.
Në fletushkat e tyre të titulluara “Dy karrige bosh në fillim të vitit shkollor”, aktivistët e RESF 33, të cilët gjithashtu duhej të kalonin një peticion në shkollë, denonconin një “situatë tronditëse dhe të papranueshme”. “Kjo familje duhet të kthehet”, thotë Brigitte Lopez, i nga rrjeti i Bordeaux.
Për shkak të problemeve neurologjike, babai ishte dërguar Spitalin universitar CHU Pellegrin. Prefektura e ka justifikuar dëbimin kërkesën e refuzuar për azil dhe faktin se Shqipëria është në gjendje të marrë përgjegjësinë për patologjinë e babait të familjes.
RESF 33 planifikon të kryejë veprime të reja dhe në veçanti të apelojë tek Didier Lallement, Prefekt i Gironde dhe Alain Juppé, kryebashkiaku i Bordeaux.