Teksa ndodhet duke shijuar pushimet në mal, presidenti ne largim Ilir Meta nuk ka vonuar me përshëndetjen e tij edhe këtë mëngjes.
Meta ka publikuar një foto, teksa shfaqet duke lexuar një libër, ndërsa ka dhënë edhe mesazhin e tij.
Kreu i shtetit është duke lexuar librin e Ilir Ikonomit “Esat Pashë Toptani: Njeriu, Lufta, Pushteti”.
“Një libër që duhet lexuar për histori që nuk duhen harruar dhe marrëveshje që s’duhet të përsëriten”, shkruan Meta.
Kujtojmë se kohët e fundit duke iu referuar krizës së thellë politike, në deklaratat e tij për shtyp Meta ka deklaruar se ‘është politikan i racës së Avni Rustemit’, ku dora e këtij të fundit vrau Esat Pashë Toptanin.
